السلام عليكم
النهارده الحمد لله عملت حادثة بالتيسان صنى
اتوبيس دخل فيى من ورا كده بي الحمد لله
كنت عاوز اغير شوية حاجات بس كنت عاوز اجيبهم ةالأصلى مش عارف اجيبهم من التوكيل ولا فى مكان تانى اقدر اجيبهم يكونوا اصليين بس اقل فى السعر شوية؟؟؟؟
1.فانوس خلفى(مش عارف اجيب اصلى ولا تايوانى ماركة ديبو)
2.شنطة
3.اكصدام امامى واخر خلفى
شكرا
الحمد لله قدر الله وماشاء فعل
بص من الاخر انزل الحرفيين اشترى كل الى انت عاوزه و كمان ممكن تلاقى الحاجة نفس لون العربية وهتبقى اصلى
احسن ماتجيب حاجة تايوانى تبوظ معاول ترييحه عليه .
زى مااا استاذ مهاب قاالك انزل الحرفييين هتلاقى كل حاجه وهتلاقى مكان هناك بتاع خلع تامين يعنى اكصدام مقشر سنه واصلى وهتلاقى سعره حلو وممكن برضه لو انت فى الهرم انزل عند سوسو فى المريوطيه هتلاقى عنده كل حاجه وانصحك بلاش الفوانيس الديبو علشان بعد مده لونها بيبهت كده والحمد لله انها جت على قد كده
قدر الله و ماشاء فعل ياباشا
الاكصدامات كده كده مش بتتغير الا لو كانوا لاقدر الله مش نافع فيهم تصليح
يعني في الحرفيين عند اي حد بتاع فيبر هايظبطهم تمام و يترشوا تمام كمان او ممكن تسيبهم كده ياخدوا العين شويه
بالنسبه للفانوس الديبوا انا مركبهم عندي و زي الفل الخلفي و الامامي مش أد كده لان القمره بتاعتهم خاماتها سيئه فالنور و توزيعه مش كويس اوي
الشنطه هاتتسمكر بردوا اكيد لو فيها ترييحه ولا حاجه
ارجوا اني اكون افدتك
أولا.. الحمد الله إنها جت على كده، والحمد لله إنك بخير
ثانيا.. بالنسبة للفانوس رأيي تجيبه تايواني ماركة ديبو (ما يفرقش عن الأصلي) لأنه ممكن يركب النهاردة وتكسر بكره (لاقدر الله) وثمنه حوال 250 للفانوس تقريبا
ثالثا.. الإكصدامات ما تجيبهاش استيراد علشان هاتلف وتدوخ ومش هاتلاقي حاجة عدلة ولو لقيت هاتلاقيهم سعرهم غالي وفي الأول والآخر ده اكصدام يعني معرض يتخبط في أي وقت، فنصيحة هات التايواني وهاتلاقي الواحد بحوالي 300 أو 350 جنيها
رابعا.. الشنطة هاتها جديدة أفضل علشان لما تترش يبقى شكلها حلو وهاتلاقي أسعار الاستيراد استهبال، وهاتها تايواني برضه، بس بصراحة ما اعرفش سعرها كام.......... دا رأيي.. وبالتوفيق
شنطة كاملة يعني
خلاصه الكلام الحرفيين
هتلاقي كل حاجه هناك وانت وامكانياتك يامعلم معاك فلوس هات كله اصلي استيراد بس بعد ما تلف
قدر الله ماشاء فعل ,, وحمدلله على سلامتك .
وزى مالاخوة الافاضل ماقالوا ,, والله يكون فى عونك .
قدر الله وماشاء فعل والاخوه قاموا بالواجب انزل اتمشى فى الحرفيين وخد فكره
طيب لو جبت من السبع وركبت بره ايه رأيكم؟
مش هاتبقى فارقة كتير لأن أغلب الحاجات اللي اتخبطت عندك تركيبها سهل، بس انت كده هاتعد كتيييييييير يعني مثلا الإكصدام الواحد هايدخل في أكثر من ألف جنيه، والفانوس 850اقتباس:
المشاركة الأصلية كتبت بواسطة doc_semsem
اقتباس:
المشاركة الأصلية كتبت بواسطة Sehsss
الله ينور عليك يا اخي :iloveu::iloveu::iloveu:اقتباس:
المشاركة الأصلية كتبت بواسطة Sehsss
اقتباس:
المشاركة الأصلية كتبت بواسطة doc_semsem
الحمد لله كويس ان هيه جات على اد كده
المهم متجبش حاجه خلع اللى هية(استيراد) لان هتلاقى الاسعار مستهبلة على الاخر انا لسه جايب اكصدام للصنى الامامى تايوانى ب 300 جنىه هما قالولى التايوانى احسن من التايلاندى ده السمكرى اللى قالى على كده و انا جبت الحاجة من الحرفيين من عند الشركة العالمية ناس محترمة شغاليين فى اليابانى كلة و الاصلى كمان بس ابقى فاصل معاهم لانهم كلهم كده لازم تفاصل معاهم .و لو احتجت اى مساعدة انا تحت امرك.
قدر الله ما شاء فعل الحمد لله على كل حاجة فى ماركة تيوانى اسمها ديبو بيقولوا كويسه والله اعلم
لو هتجيب اصلي يبقى تجيب استيراد مش من السبع وبعدين اسعار الاستيراد بتبقى مستهبله شويه بس عمرها ما بتبقى زي الاصلي
مثلا الفانوس ابو الف ايه المشكله انك تجيبه ب 500 مهو كده كده اصله ونضيف وهكذا اكصدام بالف في التوكيل هتجيبه ب 500 ولو لفيت حاجات نفس اللون ياريت تجيبها هتوفر مصنعيه الرش الاكصدام والشنطه ممكن رجح ال 400 جنيه وهتوفر وقت كمان لان الرش بياخد وقت ولازم تفضل جوه الكابينه شويه تعضم والجو ده
انما لو مفيش امكانيه انك تجيب الحاجات بالاسعار دي يبقى خليك في التجاره هتجيب جوز الفوانيس ب 400 او 500 والشنطه الله اعلم سعررها كام بس هتبقى رخيصه بس انا رايي الشنط هاتها استيراد اكيد التجاري هتبقى اضعف بكتير
وخلي بالك ان في نقطه في الاكصدامات الي مش اصلي خبطت مثلا خبطه بسيطه وانت بتركن بتسمع في جوه العربيه لان الاكصدامات دي خاماتها رديئه بصراحه
اولا حمدلله علي سلامتك يا دكتور و المهم انك بخير
انا رايي زي الاعضاء الاحباء انك تنزل الحرفيين و تجيب كل حاجه استيراد بس لي بقي رأيي انك ترش في التوكيل لأن مهما البوهيجي بره بيظبط اللون برده مش هيعرف يظبطه زي التوكيل ابدا ً